How Some Nigerian Guys Behave On The Internet

Guys, make una know say that babe una dey razzle get plenty other guys wey dey toast her. So you think say as the babe no too fine, na only you dey toast am shey? See, no matter how any babe worwor reach for this world so, e get person wey dey straff am, so no just reason say na only you dey on board.

How you go just add babe now now, come dey yarn anyhow like "I love your a##", "I love your b0obs", "I want to be your best friend". Like seriously, who does that? Na wa oo, so you wan force yourself to be her bestfriend unto say you wan use that skills to gradually be her boyfriemd? My brother, that method no dey work again. So una suppose change tactics.

Say your friend dey chat raw and e dey work for am, no mean say e go work for you....how you even ma dey sure say that your friend dey talk true? You just add babe, and the only thing wey you fit talk na to ask for sex chat and request for nude.....she never even reply, you don send your pen!s picture. So na so you wan carry get babe? Olodo naim you be.

Always get am at the back of your mind, say that babe wey you dey try impress get plenty admirers wey dey toast am. Therefore, you suppose reinvent your tactics. Be unique, free, and funny....and gradual. She never ask one thing, you don begin download your family history....how God take save you from so so accident unto say you dey find sympathy. O boy, I taya for some guys oo. What of those guys wey dey stay Yankee. Chai, dem go tell babes wey dem just add now now oo, say dem dey abroad to huzzle get money, say dem go come back come marry the babe, say dem don show the babe pictures to their mother and their mother approve the babe. Nna ehn, see tactics na. Some babes dey fall mugu oo, walahi.Na rush rush dey spoil everything. I say na rush rush dey spoil every. Some rush rush fit work oo, but in majority situation, e no dey work. Guys want make everything be sharp sharp, the wan toast babe today make she agree tomorrow. All these toasting things dey take time, even weeks or months sef. So you just have to be patient, relax and chill. No go dey use skills wey your friends dey use, say your friends girlfriends dey send them nude pictures no mean say you go just demand nude pictures from babe wey no even know you sef. Haba, why you dey behave like that? Just be yourself and flow gradually, and no dey go tell female strangers say you wan be their best friend - which kind style be that. Na bestfriend or na boyfriend you want? E go better.

This post is written in Nigerian pidgin English.

By Chukwuemeka Ekenaka